Nýtt samkomulag Samnings Sameinuðu þjóðanna um líffræðilega fjölbreytni var samþykkt á aðildarríkjaþingi samningsins í desember 2022. Það gengur undir heitinu Kunming-Montreal Global Biodiversity Framework eða GBF. Varðandi innleiðingu markmiða samkomulagsins segir í texta samþykktarinnar að GBF skuli innleitt með vistkerfisnálgun (e. Ecosystem Approach).
Vistkerfisnálgun er þegar stjórnun á notkun lands, lagar og lifandi auðlinda er samræmd og hvetur til verndunar og sjálfbærrar nýtingar með jafnrétti að leiðarljósi. Þess vegna styður beiting vistkerfisnálgunar við öll þrjú meginmarkmið aðildarþjóðanna: verndun líffræðilegrar fjölbreytni; sjálfbæra nýtingu og sanngirni og jafnræði við nýtingu erfðaauðlinda.
A review of the Ecosystem Approach by Ole Martin Sandberg.
Málþing matvælaráðuneytis og Biodice um vistkerfisnálgun
Matvælaráðuneytið og Biodice stóðu fyrir málþingi um vistkerfisnálgun í umgengni við og nýtingu náttúru Íslands þann 21. september 2023. Svandís Svavarsdóttir matvælaráðherra ávarpaði málþingið í upphafi en á eftir fylgdu erindi, fyrst frá fagaðilum Biodice um hugtakið vistkerfisnálgun og svo frá hagaðilum þar sem staða vistkerfisnálgunar var metin fyrir landbúnað, sjávarútveg og náttúruvernd. Upptaka var gerð af málþinginu og greinargerð skrifuð í kjölfarið.
Mánudaginn 27. nóvember 2023 afhenti Biodice Svandísi Svavarsdóttur matvælaráðherra greinargerð um vistkerfisnálgun. Greinargerðin inniheldur samantekt og niðurstöður frá málþingi sem ráðuneytið og Biodice stóðu fyrir 21. september síðastliðinn.
Hér er hægt að hlaða niður greinargerðinni. (English summary)
Download PDFMynd af vistkerfisnálgun: Natural England—ecosystem approach distillation and process. From: Ecosystems knowledge network (2016) and Porter et al. (2014)